Spidolssecteur

Wärend der gesamter Karriär ginn eng sëllege Méiglechkeete gebueden:

• Favorabel Konditioune beim Loun (Zouschléi, Primmen) a Berécksiichtegung vum Gläichgewiicht tëscht Beruff a Privatliewen (Congé, speziell Congéen, zousätzlech altersgebonne Congésdeeg, progressiv Fréipensioun ...)
• Ausbau vun de Kompetenzen duerch Weiderbildung
• Méiglechkeeten, de Posten ze wiesselen oder, jee no verfügbar Optiounen, innerhalb vun der Karriär ze evoluéieren, mat der Unerkennung vun der gesammelter Erfarung an de Spideeler vun der FHL
• Eng reegelméisseg Lounupassung op der Grondlag vun enger offizieller Gehältertabell

All dës Ariichtunge proposéieren eng Villfalt un Aarbechtsplaze fir Fachleit aus dem Gesondheetsberäich, sief et an de Spideeler, ambulante Servicer, spezialiséierte Consultatiounen, mobillen Equippen oder héichmoderne medezinesch-technesche Servicer (OP, Radiologie, Urgencen, Salle d'accouchement, technesch Interventiounseenheeten ...).

Duerch déi grouss Diversitéit u Servicer a medezinesche Fachgebidder kann all Eenzele Fachkenntnisser an engem spezifesche Beräich entwéckelen, mee och säi Wëssen an zousätzleche Beräicher erweideren a vervollstännegen.

Opgrond vun de ville verschiddene fachleche Gesondheetsberuffer, déi an de Spideeler schaffen, besteet eng besonnesch Aarbechtsambiance, déi op Austausch a multidisziplinärer Teamaarbecht berout. Déi géigesäiteg Ergänzung vun de professionelle Kompetenze vun all Member aus der Equipe gëtt an den Déngscht vum Patient gestallt.